Անտուան դը Սենտ-Էքզյուպերի - Մարդկանց երկիր

Անտուան դը Սենտ-Էքզյուպերի  «Մարդկանց երկիր»

ՆԿԱՐԱԳՐՈՒԹՅՈՒՆ

«Մարդկանց երկիր» գրքում տեղ են գտել հեղինակի՝ տարիների ընթացքում գրված պատմվածքները, խոհագրությունները, հուշերը, որ այստեղ հանդես են գալիս որպես առանձին գլուխներ: Օդաչուի՝ իր կենսագրության, օդագնացության խնդիրների, թանկագին ընկերների, անապատի, օազիսի, անապատի թափառական ցեղերի կենսակերպի մասին պատմող այդ դրվագներն ամբողջացնում է ընդգրկուն խորհրդածությունը մարդկային ճակատագրի, երկրի վրա մարդու առաքելության շուրջ: Ըստ Էքզյուպերիի՝ յուրաքանչյուր մարդու ճակատագիրը բացահայտվում է միայն և միայն անվերջանալի ինքնահաղթահարման ճանապարհին:

Ավարտուն պատմվածքները փոխկապակցված են ներդաշնակ, շարունակական հյուսվածքով, որ աչքի է ընկնում իր բովանդակային և կառուցվածքային ամբողջականությամբ: Տարբեր գլուխներում հանդիպում ենք նույն հարցադրումներին, նույն լեյտմոտիվներին՝ քաղքենին և հոգսերի բեռի տակ կքած մարդու կենսագրությունը, մենության զնդանն ու սիրելի ընկերը, որ ընդունակ է անօրինակ սխրանքների, կենաց և մահու սահմանին կանգնած մարդը, որի կյանքը կախված է թելից:

​«Մարդկանց երկիր»-ը լույս է տեսել 1939 թվականի փետրվարին: Նույն տարվա մայիսի 25-ին Ֆրանսիայի ակադեմիան Էքզյուպերիի ստեղծագործությունն արժանացնում է արձակ երկի համար սահմանված բարձրագույն մրցանակին:

ՀԱՏԿԱՆԻՇՆԵՐ

Հեղինակ (ներ) Անտուան դը Սենտ-Էքզյուպերի

Թարգմանությունը Շուշանիկ Թամրազյան

Լեզու Հայերեն

Էջաքանակ 184

Հրատ. տարեթիվ 2017

Տպագրություն Սև սպիտակ

ISBN 978-9939-75-179-5

Կազմ Կոշտ

Չափս 14.5 x 20.5 սմ